ᑲᐃᔑᑲᓇᐊᐧᐸᑕᒪᐠ

ᒋᑌᐱᑐᑕᒪᐠ ᓂᐸᑯᓭᐣᑕᑯᓱᐃᐧᓂᓇᐣ ᑕᐱᐡᑯᐨ ᐅᐅᐁᐧ ᑲᐅᔑᑐᔭᐠ ᑲᑭᒋᐃᓀᐣᑕᑲᐧᐠ ᒥᑲᓇ ᒥᓇ ᑲᐧᔭᐠ ᑲᒥᓇᔭᑲᐧ ᒪᐡᑭᑭᐃᐧ ᐃᐧᒋᑫᐃᐧᐣ ᓂᑕᔑᑫᐃᐧᓂᓇᓇᐣ. ᐁᑲᐧ ᐅᑫᐧᓂᐊᐧᐣ ᑲᐃᔑᑲᓇᐊᐧᐸᑕᒪᑭᐣ ᑯᑕᑭᔭᐣ ᑫᑯᓇᐣ:

  • ᒋᐅᓇᓯᓇᐦᐃᑲᑌᐠ ᓇᓇᑲᒋᒋᑫᐃᐧ ᐊᐧᐁᐧᓇᒋᑫᐃᐧᐣ ᑲᐃᐧᒋᑫᒪᑲᐠ ᐊᓂᐣ ᑲᐃᔑᑲᐧᔭᑎᓇᒪᐠ ᒪᐊᐧᑐᓂᑫᐃᐧᐣ
  • ᒋᓇᑐᑕᒪᔭᐠ ᐅᑎᓀᐣᑕᒧᐃᐧᓂᐊᐧ ᓂᑕᔑᑫᐃᐧᓂᓇᓇᐣ ᒪᐊᐧᑐᓂᑫᐃᐧᓂᐠ ᐅᒋ ᐅᐅᒪ ᒥᓄᐱᒪᑎᓱᐃᐧᓂᐠ
  • ᒋᔭᐸᒋᑐᔭᐠ “ᓇᑯᒋᑫᐃᐧᐣ” ᑲᐃᔑᑲᓇᐊᐧᐸᒋᑲᑌᐠ ᒥᓇ ᒋᐅᒋᑭᑫᐣᒋᑲᑌᐠ ᑫᑯ ᑕᔑᑫᐃᐧᓇᐣ ᓇᑕᐁᐧᐣᑕᒧᐊᐧᐨ ᐅᒪᐊᐧᑐᓂᑫᐃᐧᓂᐊᐧ ᒋᓇᓇᑲᒋᒋᑲᑌᓂᐠ ᐅᐅᒪ ᑲᐃᓇᑌᐠ ᐊᐧᐁᐧᓇᒋᑫᐃᐧᓂᐠ ᐅᒋ
  • ᑲᓇᓇᑲᒋᒋᑲᑌᐠ ᐊᐧᐁᐧᓇᒋᑫᐃᐧᐣ ᐁᑲᐧ ᐅᑫᐧᓂᐊᐧᐣ ᓂᓯᐣ ᑫᑯᓇᐣ ᐊᐸᑕᓄᐣ:

ᐁᑲᐧ ᑕᔑᑫᐃᐧᓂᐠ ᐱᒧᒋᑫᐃᐧᐣ ᐅᑫᐧᓂᐊᐧᐣ ᑕᔑᑫᐃᐧᓇᐣ ᒋᐊᐧᐸᑕᒧᐊᐧᐨ ᐅᒪᐊᐧᑐᓂᑫᐃᐧᓂᐊᐧ. ᐁᑲᐧ ᐅᐅᒪ ᓇᓇᑲ ᐊᐱᒐᐊᐧᓄᐣ ᒪᐊᐧᑐᓂᑫᐃᐧᓇᐣ ᑌᐯᐤᐅᑕ ᑲᔭᑲᓯᑭᐣ ᓂᑕᔑᑫᐃᐧᓂᓇᓇᐣ.

ᐁᑲᐧ ᐃᐧᑕᓄᑭᒥᑐᐃᐧᓂᐠ ᐅᐅᒪ ᓇᐊᐧᐨ ᒪᐊᐧᑐᓂᑭᐃᐧᓇᐣ ᒥᓴᐊᐧᓄᐣ ᓴᑯᐨ ᐱᑯ ᑲᔭ ᑭᔭᐱᐨ ᑲᐃᐧᐣ ᒋᑌᐱᓭᒪᑲᑭᐣ ᑫᑯᓇᐣ.

ᐁᑲᐧ ᐃᐧᑕᓄᑭᒥᑐᐃᐧᓂᐠ ᐊᒥᐅᒪ ᑲᐃᔑᐸᑯᓭᓂᒧᔭᐠ ᒋᓇᓇᑲᒋᑐᔭᐠ ᒪᐊᐧᑐᓂᑫᐃᐧᐣ ᑐᑲᐣ ᓇᐯᐊᐧᐠ ᒥᓇ ᐃᑫᐧᐊᐧᐠ ᒋᐊᑭᒪᔭᑲᐧ ᒋᐅᒋᑭᑫᐣᑕᒪᑭᐣ ᑫᑯᓇᐣ.

  • ᒋᐃᐧᒋᐃᓀᐁᐧᑕᒪᐧᔭᑲᐧ ᒪᐊᐧᑐᓂᑫᐃᐧᐣ ᓂᑕᔑᑫᐃᐧᓂᓇᓇᐣ ᒥᐡᑯᐨ ᐊᒋᒧᐃᐧᓇᐣ ᒥᓇ ᐅᑲᐡᑭᐅᓂᐊᐧᐣ ᐊᓂᔑᓇᐯ ᑕᔑᑫᐃᐧᓂᓂᐊᐧᐠ ᑲᐊᔭᐊᐧᐨ (ᑐᑲᐣ ᐁᐡᑲᑦ ᐸᑲᐣ ᑲᐃᔑᒪᒥᑎᓀᐣᒋᑲᑌᐠ) ᑫᐃᔑᐃᓂᐁᐧᑐᐊᐧᐨ, ᒥᓇ ᒋᒥᑫᐧᐊᐧᐨ ᐃᑭᑐᐃᐧᐣ, ᒥᓇ ᒋᒥᑲᐧᓂᐊᐧᐠ ᑲᐃᓇᑭᑌᑭᐣ ᐊᑭᑕᓱᓇᐣ (ᒪᒪᐃᐧ ᒪᐊᐧᑐᓂᑫᐃᐧᐣ). ᐁᑲᐧ ᐅᑫᐧᓂᐊᐧᐣ ᒪᒪᐤ ᐃᓀᐣᒋᑫᐃᐧᓇᐣ ᑕᒧᓀᐡᑭᑲᑌᐊᐧᓄᐣ, ᑕᔭᓂᒧᒋᑲᑌᐊᐧᓄᐣ, ᒥᓇ ᑕᒪᐡᑲᐃᐧᒋᑲᑌᐊᐧᓄᐣ ᐊᐱᐣ ᐅᑫᐧᓂᐊᐧᐣ ᓂᔑᐣ ᒪᒪᐃᐧᓇᒪᑭᐣ.
  • ᒋᒪᓯᓇᐦᐃᑲᑌᑭᐣ ᑲᑫᐧᑌᐃᐧᓇᐣ ᓂᑕᔑᑫᐃᐧᓂᓇᓇᐣ ᑲᑲᑫᐧᑌᐊᐧᐨ ᒣᑲᐧᐨ ᑲᒪᒪᐃᐧ ᑲᓇᐊᐧᐸᒋᑲᑌᐠ ᒪᐊᐧᑐᓂᑫᐃᐧᐣ. ᐁᑲᐧ ᐅᑫᐧᓂᐊᐧᐣ ᑲᑫᐧᑌᐃᐧᓇᐣ ᑕᐃᐧᒋᐦᐃᐁᐧᒪᑲᓄᐣ ᒥᐡᑯᐨ ᒪᒪᐦᐤ ᐊᔭᒥᐧᐃᐣᑲᐯ ᒋᐃᐧᒋᐦᐃᐁᐧᒪᑲᐠ ᑲᓇᑲᐁᐧᔑᒋᑲᑌᑭᐣ ᑲᑫᐧᑌᐃᐧᓇᐣ ᑲᑭᒋᐃᓀᐣᑕᒧᐊᐧᐨ ᓂᑕᔑᑫᐃᐧᓂᓇᓇᐣ.
  • ᒥᓇ ᑭᔭᐱᐨ ᔓᓂᔭᐣ ᓂᐃᐧᒥᑲᐊᐧᒥᐣ ᒋᐃᐧᒋᐦᐊᔭᐠ ᓂᑕᔑᑫᐃᐧᓂᓇᓇᐣ ᒥᓇ ᒪᐊᐧᑐᓂᑫᐃᐧᐣ ᒋᐊᐸᒋᑐᔭᐠ ᒥᐡᑯᐨ ᑲᐧᔭᐠ ᒋᐃᔑᓇᑲᐧᐠ ᐱᒧᒋᑫᐃᐧᐣ. ᐊᐦᐃ ᑲᔭ ᑲᐃᒋᑲᑌᐠ ᑕᔑᑫᐃᐧ ᐱᒧᒋᑫᐃᐧᐣ ᓇᓇᑲᒋᒋᑫᐃᐧᐣ ᐊᓄᑭᐃᐧᐣ, ᒥᓇ ᐱᒧᒋᑫᐃᐧᐣ ᐊᐧᐁᐧᓇᒋᑫᐃᐧᐣ, ᒥᓇ ᒋᒪᓯᓇᐦᐃᑲᑌᑭᐣ ᔓᓂᔭᐃᐧ ᓇᑐᑕᒪᐃᐧᓇᐣ ᒥᐡᑯᐨ ᐅᐡᑭ ᓇᐣᑕ ᒋᐊᐧᐁᐧᑕᐦᐃᓂᑲᑌᐠ ᐱᒧᒋᑫᐃᐧᐣ, ᓇᐣᑕ ᑲᔭ ᒋᓇᓇᑕᐃᐧᑭᑫᐣᒋᑲᓂᐊᐧᐠ ᒥᐡᑯᐨ ᑕᔑᑫᐃᐧ ᐅᓂᑲᓂᑕᒪᑫᐠ ᑲᐧᔭᐠ ᒋᓂᓯᑐᑕᒧᐊᐧᐨ ᑫᑯ ᐃᐧᒋᐦᐃᐁᐧᐃᐧᓇᐣ ᑲᓇᑕᐁᐧᐣᒋᑲᑌᑭᐣ.

ᐁᑲᐧ ᐊᐱᐣ ᑭᔑᑐᔭᐠ ᒪᐊᐧᑐᓂᑫᐃᐧ ᓇᓇᑲᒋᒋᑫᐃᐧᐣ ᓂᑐᓇᑐᒥᐣ ᒋᒥᑫᐧᔭᐠ ᐅᐅᐁᐧ ᑕᔑᑫᐃᐧᐣ ᒪᐊᐧᑐᓂᑫᐃᐧᐣ ᐁᑕ ᐃᐃᒪ ᑕᔑᑫᐃᐧᓂᐠ. ᐁᑲᐧ ᑕᔑᑫᐃᐧᐣ ᐃᐧᐣ ᐅᑲᐅᓀᐣᑕᐣ ᑭᐡᐱᐣ ᐸᑲᐣ ᐊᐃᐧᔭᐣ ᐃᐧᒥᓇᐨ ᐅᒪᐊᐧᑐᓂᑫᐃᐧᐣ. ᐁᑲᐧ ᓂᒪᐊᐧᑐᓂᑫᐃᐧᓂᓇᐣ ᓂᑲᒥᓇᒥᐣ ᑲᐃᐧᑕᓄᑭᒪᔭᑲᐧ. ᐁᑲᐧ ᑲᐯᔑᑯᐨ ᑲᐃᐧᑕᓄᑭᒪᔭᐠ ᑭᔭᑦ ᐱᑯ ᐅᑲᒥᓇᐣ ᐅᒪᐊᐧᑐᓂᑫᐃᐧᐣ ᑯᑕᑭᔭᐣ ᐊᐃᐧᔭᐣ ᑭᐡᐱᐣ ᐁᑕ ᐃᓀᐣᑕᐠ. ᐁᑲᐧ ᒪᒪᐤ ᐃᐧᑕᓄᑭᒥᑐᐃᐧᓂᐠ ᐊᐦᐃᐠ ᒪᒪᑕᐃᐧ ᐱᐊᐧᐱᑯᐠ ᑕᐃᔑᐊᒋᑲᑌ. ᒥᐡᑯᐨ ᑲᐃᐧᑕᓄᑭᒪᔭᑲᐧ ᒋᐊᐧᐸᑕᒧᐊᐧᐨ ᐊᓂᐣ ᒥᓂᑯᐠ ᐊᓴ ᐁᔭᐱᑕᓄᑭᑕᒪᑫᔭᐠ ᒥᓇ ᒋᓂᓯᑐᑕᒧᐊᐧᐨ ᒪᐊᐧᐨ ᐁᐃᐡᐸᓂᐠ ᓇᓇᑲ ᐃᔑᓭᐃᐧᓇᐣ ᐅᐅᒪ ᒥᓯᐁᐧ ᑭᐁᐧᑎᓄᐠ ᐅᐣᑌᕑᐃᔪ ᐊᓂᔑᓇᐯᐠ ᑲᐃᔑᑲᐯᔑᐊᐧᐨ ᐁᑲᐧ ᒥᓇ ᒥᐡᑯᐨ ᑲᐯᔑᑲᐧᐠ ᑕᔑᑫᐃᐧᐣ ᒪᐊᐧᑐᓂᑫᐃᐧᐣ ᒋᐅᒋᑭᑫᐣᑕᑲᐧᐠ.

Back to Top