ᐊᐊᐧᓀᓄᔭᐠ

Read page in English

ᐁᑲᐧ ᓂᓴᐧᓱ ᐅᑫᐧᓂᐊᐧᐠ ᑲᐃᐧᑕᓄᑭᒪᔭᑲᐧ ᑭᒪᒪᐃᐧᐡᑲᐸᓂᐠ 2016 ᐁᑭ ᒪᒪᐃᐧᓇᒪᐠ ᓂᓯᑕᐁᐧᓂᑫᐃᐧᐣ ᐊᐦᐃᐣ ᓂᑕᔑᑫᐃᐧᓂᓇᓇᐣ ᐁᑲ ᒪᐡᑭᑭᐃᐧ ᐃᐧᒋᑫᐃᐧᐣ ᑌᐯᐤ ᑲᐊᔭᐊᐧᐨ ᐁᑭᒥᓇᑲᓄᐊᐧᐨ ᑲᓇᑕᐁᐧᐣᑕᒧᐊᐧᐨ ᐃᐃᒪ ᐅᑕᑭᒪᐃᐧ ᐱᒧᒋᑫᐃᐧᓂᐊᐧᐠ, ᐊᓄᑭᑕᒪᑫᐃᐧᓂᐊᐧᐠ, ᒥᓇ ᔓᓂᔭᐃᐧ ᑲᐧᔭᑎᓂᑫᐃᐧᓂᐠ. ᐁᑲᐧ ᐅᐅᐁᐧ ᐁᑲ ᑌᐯᐤ ᑲᐊᔭᐠ ᒪᐊᐧᑐᓂᑫᐃᐧᐣ ᒪᐊᐧᐨ ᑭᒋᐃᓀᐣᑕᑲᐧᐣ ᑭᑕᔑᑭᐃᐧᓂᓇᓇᐣ ᒋᑌᐱᓇᒧᐊᐧᐨ ᑲᐧᔭᐠ ᒪᐡᑭᑭᐃᐧ ᐱᒧᑕᒪᓱᐃᐧᐣ.

ᐁᑲᐧ ᓂᓂᓯᑕᐃᐧᓇᒥᐣ ᐅᑫᐧᓂᐊᐧᐣ ᒪᐡᑭᑭᐃᐧ ᐃᐧᒋᐦᐃᐁᐧᐃᐧᓇᐣ ᒥᓇ ᓇᑕᐁᐧᐣᒋᑫᐃᐧᓇᐣ ᐅᐅᒪ ᑭᐁᐧᑎᓄᐠ ᐅᐣᑌᕑᐃᔪ ᓇᓇᑲ ᐁᐃᔑᓭᑭᐣ. ᐁᑲᐧ ᑲᐯ ᑫᑲᐟ ᑲᔭᑭᐊᐧᐠ ᑲᑭᓇ ᑫᑲᐟ ᑕᔑᑫᐃᐧᓇᐣ ᐱᒥᓭᐃᐧᓂᐠ ᐅᒋᐃᓴᓂᐊᐧᐣ. ᐁᑲᐧ ᒥᓇ ᐊᑎᐟ ᐊᐧᓴ ᐃᐱᓯᐊᐧᐠ ᑲᓇᒋᒪᐡᑭᑭᐃᐧᑲᒥᑫᐧᐊᐧᐨ᙮ ᑫᑲᐟ ᑲᑭᓇ ᑕᔑᑫᐃᐧᓇᐣ ᒪᐡᑭᑭᐃᐧᑲᒥᑯᐣ ᒥᓇ ᒪᐡᑭᑭᐃᐧ ᐃᐧᒋᐦᐃᐁᐧᐃᐧᑲᒥᑯᐣ ᐅᑕᔭᓇᐊᐧ ᑲᒥᑫᐧᐊᐧᐨ ᐱᒧᒋᑫᐃᐧᓇᐣ ᐁᐦᐊ ᑲᓇᑕ ᐅᑭᒪᐃᐧᐣ ᑲᐸᑭᑎᓇᐨ ᔓᓂᔭᓇᐣ ᓇᑯᑕᒪᐃᐧᓂᐠ ᐅᒋ. ᐁᑲᐧ ᐅᐅᐁᐧ ᑲᐃᒋᑲᑌᐠ ᐁᓇᑕᐁᐧᐣᑕᒪᐠ ᐊᓂᐣ ᑫᐅᑌᑫᐡᑲᒪᐠ ᒥᓇ ᒋᐃᔑᓂᓯᑐᑕᒪᐠ ᑲᐃᔑᓭᐠ ᑭᒪᐡᑭᑭᐃᐧ ᐃᐧᒋᐦᐃᑯᐃᐧᓂᓇᐣ.

ᐊᓂᔑᓇᐯ ᐃᐧᒋᐦᐃᐁᐧᐃᐧᓇᐣ ᑲᓇᑕ (ᑲᑭᐃᔑᓂᑲᑌᑭᐸᐣ ᒪᐡᑭᑭᐃᐧ ᐃᐧᒋᐦᐃᐁᐧᐃᐧᐣ ᑲᓇᑕ) ᓂᒥᓂᑯᒥᐣ ᔓᓂᔭᓇᐣ ᑫᐱᒧᒋᑲᑫᔭᐠ ᐅᐅᒪ ᑲᐅᒋᒥᑲᐧᓂᐊᐧᐠ ᒪᐡᑭᑭᐃᐧ ᐃᐧᒋᐦᐃᐁᐧᐃᐧᓇᐣ ᔓᓂᔭᐃᐧ ᐱᒧᒋᑫᐃᐧᓂᐠ (HSIF). ᐁᑲᐧ ᓂᒥᓂᑯᒥᐣ ᒋᒪᒋᐃᐧᑕᓄᑭᒥᑐᔭᐠ. ᒥᓇ ᓂᒪᒪᐃᐧ ᐅᔑᑐᒥᐣ ᐃᓇᐸᒋᑫᐃᐧᐣ ᑫᐃᔑᓇᑲᐧᐠ ᐅᐅᒪ ᑲᑭᑕᔑᒪᐊᐧᒋᐦᐃᑐᔭᐠ ᐅᐅᐁᐧ ᑲᐃᔑᒪᒪᐃᐧ ᐃᐧᑕᓄᑭᒥᑐᔭᐠ ᐃᐃᒪ ᑕᐣᑕ ᐯ ᑭᒋᑕᐃᐧᓂᐠ ᒣᑲᐧᐨ ᐊᑲᐧᑎᓄᐃᐧᐱᓯᑦ 2016. ᐁᑲᐧ ᑲᔭ ᐊᓴ ᓂᑭᐅᔑᑐᒥᐣ ᑲᐃᔑᐸᑯᓭᐣᑕᑲᐧᐠ ᐊᓄᑭᐃᐧᐣ ᑫᐃᔑᐱᒧᓂᑯᔭᐠ ᓂᐃᐧᑕᓄᑭᒥᑐᐃᐧᓂᓇᐣ ᐅᒋ. ᒥᓇ ᓂᑭᐊᓂᒧᑕᒥᓇᐣ ᑲᐃᔑᐸᑯᓭᐣᒋᑲᓂᐊᐧᐠ ᒥᓇ ᓂᑭᓇᓇᑲᒋᑐᒥᐣ ᒪᐊᐧᑐᓂᑫᐃᐧᐣ ᑲᐃᐧᑕᓄᑭᒪᔭᑲᐧ ᑲᑭᒪᐊᐧᑐᓇᐊᒧᐨ ᒥᓇ ᐊᐸᒋᒋᑲᐣ ᑲᑭᐊᐸᒋᑐᐊᐧᐨ ᒥᐡᑯᐨ ᑲᐧᔭᐠ ᒋᐱᒧᒋᑲᑌᐠ. ᐁᑲᐧ ᓂᑭᐃᔑᒥᑲᒥᐣ ᒪᐊᐧᐨ ᓇᓇᑲ ᐁᐃᔑᓇᑲᐧᐠ ᒪᐊᐧᑐᓂᑫᐃᐧᐣ ᒥᓇ ᐱᑯ ᓇᓇᑲ ᒪᒪᑕᐃᐧ ᐱᐊᐧᐱᑯ ᐊᐸᒋᒋᑲᓇᐣ ᓂᑭᐊᐸᒋᑐᒥᓇᐣ.

ᐁᑲᐧ ᐊᒥᐅᐁᐧ ᐊᐱᐣ ᑲᑭᐅᒋᑲᓇᐊᐧᐸᑕᒪᑭᐣ ᒪᐊᐧᑐᓂᑫᐃᐧ ᐊᐸᒋᒋᑲᓇᐣ ᑫᒪᒪᐃᐧ ᐊᐸᑕᑭᐣ ᐅᑕ ᐅᐅᒪ ᐃᐧᑕᓄᑭᒥᑐᐃᐧᓂᐠ. ᐁᑲᐧ ᑲᑭᐃᐧᒋᐊᓂᒧᑕᒪᐊᐧᑲᓄᐊᐧᐨ ᐊᓂᔑᓇᐯ ᒪᐡᑭᑭᐃᐧ ᐊᓄᑭᓇᑲᓇᐠ ᐅᐅᒪ ᐱᒧᒋᑫᐃᐧᓂᐠ ᒪᐡᑭᑭᐃᐧ ᓇᓇᑲᒋᒋᑫᐃᐧᐣ ᑐᒋᑫᐃᐧᓂᐠ (ICES) ᐊᒥᐁᐧ ᐊᐱᐣ ᑲᐃᔑᐅᓀᐣᑕᒪᐠ ᒋᐃᐧᑕᓄᑭᒪᔭᑲᐧ ᐅᐅᐁᐧ ᐱᒧᒋᑫᐃᐧᐣ (ICES) ᒋᓇᓇᑲᒋᒋᑲᑌᐠ ᒪᐊᐧᑐᓂᑫᐃᐧᓇᐣ ᐅᐣᑌᕑᐃᔪ ᐁᑲᐧ ᑲᓇᑕ ᑲᑲᓇᐁᐧᐣᑕᒧᐊᐧᐨ. ᐁᑲᐧ ᐱᒧᒋᑫᐃᐧᐣ (ICES) ᐅᑕᔭᐣ ᐅᐅᐁᐧ ᐊᓂᔑᓇᐯ ᒧᐡᑭᓀᐱᐦᐃᑎᓱᐃᐧᐣ ᐊᐸᒋᒋᑲᐣ (IRS) ᐅᐅᐁᐧ ᐅᒋ ᒪᐊᐧᑐᓂᑫᐃᐧ ᒥᑫᐧᐃᐧᐣ ᑲᐃᐧᑕᓄᑭᒪᑲᓄᐊᐧᐨ ᐅᐣᑌᕑᐃᔪ ᐅᑭᒪᑲᓇᐠ. ᑲᐃᐧᑕᓄᑭᒪᔭᐠ ᐅᐅᐁᐧ ᐱᒧᒋᑫᐃᐧᐣ (ICES) ᓂᑕᔑᑐᒥᐣ ᐊᐣᑎ ᑫᐃᔑᐊᑌᑭᐣ ᒪᐊᐧᑐᓂᑫᐃᐧᓇᐣ ᑕᐱᐡᑯᐨ ᑲᒪᒪᐃᐧᓭᑭᐣ ᐊᓂᔑᓇᐯᐠ ᑲᐅᒋᐱᒥᑲᓇᐊᐧᐸᒥᑯᐊᐧᐨ ᐅᑫᐧᓂᐊᐧᐣ ᐅᐣᑌᕑᐃᔪ ᒥᓇ ᑲᓇᑕ ᐅᐱᒧᒋᑫᐃᐧᓂᐊᐧᐠ.

ᐁᑲᐧ ᑲᐃᐧᑕᓄᑭᒪᔭᑲᐧ ᓂᑕᔑᑫᐃᐧᓂᓇᓇᐣ ᑲᓇᓇᑲᒋᑐᔭᐠ ᒥᓇ ᑲᐅᓂᓂᑲᑕᒪᐠ ᒪᐊᐧᑐᓂᑫᐃᐧᐣ ᐊᒥᐁᐧ ᐱᑯ ᐁᐃᔑᐱᒥ ᑲᑫᐧᑭᑫᐣᑕᒪᐠ ᒪᐊᐧᑐᓂᑫᐃᐧᐣ ᑲᓇᑲᑕᐁᐧᐣᑕᑲᐧᑭᐣ ᒥᓇ ᑲᓂᑲᓀᐣᑕᑲᐧᑭᐣ ᐃᐃᒪ ᓂᑕᔑᑭᑫᐃᐧᓂᓂᓇᐠ.
ᐁᑲᐧ ᓂᑕᔑᑫᐃᐧᓂᓇᓇᐣ ᐃᐧᓇᐊᐧ ᒋᐃᐣᐁᐧᑐᐊᐧᐨ ᐅᒪᐊᐧᑐᓂᑫᐃᐧᓂᐊᐧᐣ ᒥᓇ ᓂᐸᑯᓭᐣᑕᒥᐣ ᒋᓂᓯᑕᐃᐧᓇᒧᐊᐧᐨ ᐅᐡᑭ ᑲᑫᐧᑌᐃᐧᓇᐣ ᐊᓂᐣ ᐅᑕ ᒪᔭᑦ ᑫᐃᔑᓭᑫᐧᐣ ᐁᐧᑎ ᐊᓂ ᓂᑲᐣ ᒥᓇ ᒋᐃᐧᒋᒋᑲᑌᐠ ᑫᒋᓇᐨ ᐅᐅᐁᐧ ᒪᒪᐦᐤ ᐊᔭᒥᐧᐃᐣᒋᐱᒥᐃᐧᒋᐦᐃᐁᐧᒪᑲᐠ ᒋᓇᑲᐁᐧᔑᒋᑲᑌᑭᐣ ᑲᑫᐧᑌᐃᐧᓇᐣ ᐁᐦᐊᐠ ᐅᑕ ᓂᑕᔑᑫᐃᐧᓂᓇᓇᐣ ᑲᑲᑫᐧᑌᐊᐧᐨ.

Back to Top