ᐸᑯᓭᐣᒋᑫᐃᐧᐣ, ᐃᔑᓇᒧᐃᐧᐣ, ᐁᑲᐧ ᑐᒋᑫᐃᐧᓇᐣ

Read page in English

ᐁᑲᐧ ᑲᑭᐅᓇᑐᔭᐠ ᐃᐧᑕᓄᑭᒥᑐᐃᐧᐣ 2016 ᐱᓇᒪ ᐅᓴ ᓂᑭᒪᒪᐃᐧ ᒪᒥᑎᓀᐣᑕᒥᐣ ᑫᑯᓀᐣ ᒪᔭᑦ ᑲᑭᑲᑫᐧ ᒪᒪᐃᐧ ᑌᐱᓇᒪᐠ, ᐊᓂᐣ ᒥᓇ ᑫᐃᔑᐃᐧᑕᓄᑭᒥᑐᔭᐠ, ᐁᑲᐧ ᒥᓇ ᑫᐃᔑᒪᒪᐃᐧ ᑐᒋᑫᔭᐠ ᐊᒥᐅᒪ ᑲᑭᐅᒋᒪᒪᐤ ᐃᐧᑕᓄᑭᒥᑐᔭᐠ. ᐃᔑᓇᒧᐃᐧᐣ, ᐸᑯᓭᐣᒋᑫᐃᐧᐣ, ᐁᑲᐧ ᑐᒋᑫᐃᐧᓇᐣ ᓂᓇᐊᐧᐨ ᑲᑭᐅᔑᑐᔭᐠ ᑫᐱᒧᓂᑯᔭᐠ ᐊᐱᐣ ᐅᑕ ᒪᒪᐤ ᐃᐧᑕᓄᑭᒥᑐᐃᐧᐣ ᑲᑭᐅᓇᒋᑲᑌᑭᐸᐣ.

ᐃᔑᓇᒧᐃᐧᐣ

ᑲᐧᔭᐠ ᒋᔑᓇᐧᑲᐠ ᑭᐁᐧᑎᓄ ᐊᓄᑭᐃᐧᐣ ᑭᑕᓇᐱᐃᐧᓇᐣ ᒋᔑᐸᑭᑎᓂᑲᑌᑭᐣ ᒪᐡᑭᑭᐃᐧ ᐃᐧᑕᒪᑫᐃᐧᓇᐣ ᑫᓄᒋ ᑲᒋᑎᓂᑲᑌᐠ ᒥᓄᐱᒪᑎᓯᐃᐧᐣ.

ᐸᑯᓭᐣᒋᑫᐃᐧᐣ

ᓂᓇᐃᐧᐟ ᐊᓂᔑᓂᓂᐃᐧ ᑕᓇᐱᐃᐧᓇᐣ, ᐅᑭᒪᑲᓇᐠ ᑲᐃᐧᑕᓄᑭᒥᑐᐊᐧᐨ ᒥᓇ ᒪᐡᑭᑭᐱᒧᒋᑫᐃᐧᓇᐣ ᑭᐁᐧᑎᓄᐠ ᐅᐣᑌᕑᐃᔪ ᑲᐱᒥᓂᔕᐦᐊᒪᐠ ᐊᓂᔑᓂᓂᐊᐧᑎᓯᐃᐧᓂᐠ ᐃᓀᑫ ᐯᑭᐡ ᑕᐸᒋᑐᐣ ᑲᑕᑲᐧᑭᐣ ᐃᐧᑕᒪᑫᐃᐧ ᐊᐸᒋᒋᑲᓇᐣ ᑫᑭᐅᒋ ᒪᒪᐃᐧ ᐊᐸᒋᒋᑲᑌᑭᐣ ᒋᐃᐧᒋᐦᐃᑯᔭᐠ ᑫᓂᔑᐅᓀᒋᑲᑌᐠ ᑫᐃᓇᓄᑲᑌᐠ ᒪᐡᑭᑭ ᐱᒧᒋᑫᐃᐧᐣ ᒥᓇ ᑫᐃᔑᒥᓄᔭᓇᓂᐊᐧᐠ.

ᐸᑯᓭᐣᑕᒪᑫᐃᐧᓇᐣ ᒥᓇ ᑐᒋᑫᐃᐧᓇᐣ

  • ᐅᑲᐟ (OCAP®[1]): ᓂᓂᓱᑕᐃᐧᓇᒥᐣ ᐁᑭᒋᐃᓀᐣᑕᑲᐧᐠ ᐊᓂᔑᓇᐯ ᐸᑯᓭᐣᑕᒪᑫᐃᐧᓇᐣ ᑲᑎᐯᐣᑕᑭᐣ, ᑲᑭᒍᓇᐠ, ᑲᓇᓇᑲᒋᑐᐨ ᒥᓇ ᑲᑭᑎᐯᐣᑕᐠ ᐁᑲᐧ ᓂᑲᑐᑕᒥᓇᐣ ᐅᑫᐧᓂᐊᐧᐣ ᐸᑯᓭᐣᑕᒪᑫᐃᐧᓇᐣ ᑲᐃᓇᑌᑭᐣ.
  • ᑭᒋᐃᓀᐣᒋᑫᐃᐧᐣ: ᒪᐊᐧᑐᓂᑫᐃᐧᐣ ᐅᐃᐧᒋᑐᐣ ᐊᐃᐧᔭᐠ ᐅᑎᐸᒋᒧᐃᐧᓂᐊᐧᐣ. ᑲᐧᔭᐠ ᓂᑲᑐᑕᒥᓇᐣ ᑎᐸᒋᒧᐃᐧᓇᐣ. ᐁᑲᐧ ᑲᔭ ᐅᐅᐁᐧ ᑲᐃᒋᑲᑌᐠ ᐁᑲ ᒋᒥᑲᐧᓂᐊᐧᐠ ᒥᓇ ᑭᒋᐃᓀᐣᒋᑲᑌᐠ ᐊᓂᐣ ᐊᒋᒧᐃᐧᓇᐣ ᑲᑐᒋᑲᑌᐠ ᑲᐅᔑᒋᑲᑌᑭᐣ ᒥᓇ ᑲᐃᔑᑲᓇᐊᐧᐸᒋᑲᑌᑭᐣ.
  • ᐸᑯᓭᐣᑕᑯᓯᐃᐧᐣ: ᐁᑲᐧ ᐊᓂᔑᓇᐯᐠ ᓂᑕᓄᑲᐊᐧᒥᓇᐠ ᐊᒥᐁᐧ ᐅᑫᐧᓂᐊᐧᐠ ᑲᐃᐧᑕᓄᑭᒥᑯᔭᑲᐧ. ᒥᓇ ᓂᐸᑯᓭᐣᑕᑯᓯᒥᐣ ᒋᐃᐧᑕᓄᑭᒪᔭᐠ ᐅᑐᓂᑲᓂᑕᒪᑫᐃᐧᓂᐊᐧᐣ ᒥᓇ ᑲᐃᔑᓇᑯᑕᒪᐠ ᑫᑯᓇᐣ ᒋᑭᑭᓄᓂᑯᔭᐠ ᐊᓂᐣ ᑫᑯᓀᓇᐣ ᑲᓇᑕᐁᐧᐣᑕᒧᐊᐧᐨ ᒥᓇ ᑲᓂᑲᓀᐣᑕᒥᐦᐃᑯᐊᐧᐨ᙮
  • ᑲᐡᑭᑕᒪᓯᐃᐧᐣ: ᐁᑲᐧ ᓂᓂᓯᑕᐃᐧᓇᒥᐣ ᐃᐧᒋᑫᐃᐧᐣ ᐅᑭᒪᐃᐧᐣ ᐯᔑᑲᐧᐣ ᑲᐃᔑᐸᑯᓭᐣᑕᑯᓯᐊᐧᐨ ᑭᐁᐧᑎᓄᐠ ᐊᓂᔑᓇᐯ ᑕᔑᑫᐃᐧᓇᐣ ᑲᑐᑕᒧᐊᐧᐨ ᐁᑲᐧ ᑲᐃᐧᐣ ᐅᐅᐁᐧ ᑲᐧᔭᐠ ᑲᑐᑕᐊᐧᑲᓄᐊᐧᐨ. ᒥᓇ ᐅᐡᑭ ᑫᑯᓇᐣ ᓂᑲᓇᓇᑕᐊᐧᐸᑕᒥᓇᐣ ᑲᐧᔭᐠ ᐃᐧᒋᑫᐃᐧᐣ ᒋᒥᓇᑲᓄᐊᐧᐨ ᓂᑕᔑᑫᐃᐧᓂᓇᓇᐣ.
  • ᐃᐧᑕᓄᑭᒥᑐᐃᐧᐣ: ᐁᑲᐧ ᑲᐧᔭᐠ ᓂᑲᒪᐡᑲᐃᐧ ᐃᐧᑕᓄᑭᒥᑐᒥᐣ. ᒥᓇ ᑯᑕᑭᔭᐣ ᐊᓄᑭᑕᒪᑫᐃᐧᑲᒥᑯᐣ ᓂᑲᓇᓇᑕᐊᐧᐸᑕᒥᐣ ᑫᐃᐧᑕᓄᑭᒪᔭᑲᐧ ᒥᐡᑯᐨ ᑲᐧᔭᐠ ᐃᐧᒋᑫᐃᐧᐣ ᒋᒥᓇᑲᓄᐊᐧᐨ ᓂᑕᔑᑫᐃᐧᓂᓇᓇᐣ ᑲᐅᒋᐃᐧᒋᐦᐊᔭᑲᐧ.
  • ᑲᐧᔭᐠ ᐱᒧᒋᑫᐃᐧᐣ: ᒥᓇ ᒋᑌᐯᐤᑕᑯᔭᐠ ᑲᐧᔭᐠ ᒪᐡᑭᑭᐃᐧ ᐃᐧᒋᑫᐃᐧᐣ ᐁᒥᑫᐧᔭᐠ. ᐁᑲᐧ ᐅᐅᐁᐧ ᑲᔭ ᑲᐃᒋᑲᑌᐠ ᑲᐧᔭᐠ ᒋᓇᓇᑕᐊᐧᐸᑕᒪᑭᐣ ᑫᑯᓇᐣ ᑫᐊᐸᑕᑭᐣ ᐅᐅᒪ ᑲᑕᓇᓄᑭᔭᐠ ᐁᑲᐧ ᒥᓇ ᑲᐧᔭᐠ ᐃᔑᓇᑲᐧᓄᐣ ᑫᑯᓇᐣ ᑲᒥᓇᔭᑲᐧ ᐅᓂᑲᓂᑕᒪᑫᐠ ᑫᔭᐸᒋᑐᐊᐧᐨ ᐊᐱᐣ ᑫᑯᓇᐣ ᑲᐃᐧᐅᓀᐣᑕᒧᐊᐧᐨ.

[1] OCAP® is a registered trademark of the First Nations Information Governance Centre (FNIGC). Further information is available at www.FNIGC.ca/OCAP

Back to Top